شدةوتزول

شدة وتزول ؟؟؟؟

تعدى العمر يا ناس
وفايت قطاره
نگضيها بالصفنات
وشرب الجگارة
واحدنا يمشي وطاح
مثل السكارة
ما ظل فكر لا راي
كلها حيارى
حسبة بأثر حسبات
بس ماكو چارة
بينا الشريف إنهان
ومايسوى پارة
وصار الحرامي إنسان
وذاعت أخباره
وتنّعّم   المسؤول
وانعمر داره
جيبه إنترس بالبوگ
بكلمة  وإشارة
وحظ الفقير إنداس
شنهو العبارة
بس يركض المسكين
بليله ونهاره
وسفة الوطن ينباع
وإنكشفت أسراره
سبحة وعمايم خوش
كلهم شطارة
!!!!!!!!!!!!!!!!!!!

العبد الفقير
نجم الركابي