سولفلي عل شنهو الغيض
تعتب ليش يمدلل
يا الحبك بالگلب شريان
شلون الگلب يتبدل
انه وياك خيط وخيط
مبرومين ابفرد مغزل
ولا بالعشگ صرنه ازغار
نبيع أحبابنه ونرحل
ولا نبغه العشگ مرتين
عشگ إصبانه ما ينمل
هـوِّن بالعتب يا زيـن
لا تسمع حچي إو تزعل
چويني بجمر نمرود
خيلني بموگدك حرمل
تطفينـي وأرد ادود
وبگلبك أتقد مِشعل
وإذا يبرد عشگنه بيوم
أگلك وجني يمعدل
وخليني عل شفتك ناي
اسولف شعر وأتغزل
يا عشگ النبت بالروح
بغير أنفاسكم يذبل
كنعان الفتلي
شكرا لكرم مروركم